Axuda de 200 euros

Que é a axuda de 200 euros?

É unha axuda que consiste nun pago único de 200 euros, para as persoas físicas de baixo nivel de ingresos e patrimonio, que sexan asalariados, autónomos ou desempregados.

Quen pode pedir esta axuda?

Poden pedir esta axuda aquelas persoas que, ao 27 de xuño de 2022:

  • Teñan residencia legal e efectiva en España e tivérana de forma continuada e ininterrompida durante o ano inmediato anterior.
  • Realicen unha actividade por conta propia ou allea pola cal estean dados de alta no réxime correspondente da Seguridade Social ou mutualidade, ou
  • Estean rexistrados como desempregados na oficina de emprego, estean a cobrar ou non a prestación ou subsidio por desemprego.
  • As rendas obtidas en 2021, incluídas as que perciban os conviventes, sexan inferiores a 14.000 euros e o patrimonio, descontando a vivenda habitual, non supere os 43.196,40 euros.

Os ingresos e o patrimonio determinaranse considerando os ingresos e o patrimonio de todas as persoas que residan co beneficiario nun mesmo domicilio a data 1 de xaneiro de 2022 e estean unidos entre si:

  • como cónxuxe ou parella con polo menos dous anos de antelación
  • por relación de parentesco ata o terceiro grao, incluídos os afíns (exemplos: fillos, irmáns, avós, tíos, nora, netos…),
  • así como quen conviva con calquera dos anteriores en virtude de garda con fins de adopción ou acollemento familiar permanente.

Cómo solicitar a axuda de 200 euros?

A axuda solicitarase a través do formulario electrónico dispoñible na Sede electrónica da Axencia Estatal de Administración Tributaria.

Para a presentación da solicitude é necesario dispoñer de Cl@ve ou certificado electrónico (incluído DNI-e).

Para a solicitude destas axudas débese consignar:

  • o NIF do solicitante e das persoas que convivan no mesmo domicilio e
  • unha conta bancaria titularidade do solicitante na que desexa que se realice o abono da axuda.

Non é obrigatorio consignar o NIF de menores de 14 anos que non dispoñan do mesmo.

Como se paga a axuda?

A axuda abonarase mediante transferencia bancaria.

Resumen

Código:
GC51
DE:
08/07/2022
A:
30/09/2022
Solicita en:
Enlace a solicitud
Dirigido a:
Persoas físicas de baixo nivel de ingresos e patrimonio,Que sexan:, asalariados, autónomos ou, desempregados.
Requisitos:
Teñan residencia legal e efectiva en España e tivérana de forma continuada e ininterrompida durante o ano inmediato anterior., Realicen unha actividade por conta propia ou allea pola cal estean dados de alta no réxime correspondente da Seguridade Social ou mutualidade ou,Estean rexistrados como desempregados na oficina de emprego; estean a cobrar ou non a prestación ou subsidio por desemprego.,As rendas obtidas en 2021 (incluídas as que perciban os conviventes) sexan inferiores a 14.000 euros e o patrimonio (descontando a vivenda habitual) non supere os 43.196 euros con 40 céntimos.
Categories:
,