Axudas á conciliación da vida familiar e laboral por redución da xornada de traballo

Axudas á conciliación da vida familiar e laboral para as persoas traballadoras e as familias monoparentais que, entre o 1 de agosto de 2022 e o 31 de xullo de 2023, ambos os dous inclusive, teñan unha situación de redución da súa xornada de traballo para o coidado de fillos e fillas menores de 3 anos, ou menores de 12 anos cunha discapacidade.

Quen a pode solicitar?

Poderán ser beneficiarias as persoas físicas que se acollan á medida de redución de xornada para o coidado dun fillo ou filla. Deberá facelo no período comprendido entre o 1 de agosto de 2022 e o 31 de xullo de 2023, ambos os dous inclusive. O fillo ou filla deberá ser menor de tres anos, ou menor de 12 anos no suposto de que padeza unha discapacidade recoñecida de porcentaxe igual ou superior ao 33%.

No caso de unidades familiares monoparentais, poderá ser beneficiaria a persoa, home ou muller, que se acolla á redución de xornada laboral para o coidado de fillas e fillos. Deberá ser persoa traballadora por conta allea.

Accións subvencionables

A redución da xornada de traballo para o coidado dunha filla ou dun fillo, de polo menos o 12,5 % da mesma.
O período máximo subvencionable, continuado ou fraccionado, será de oito (8) meses comprendidos entre o 1 de agosto de 2022 e o 31 de xullo de 2023, ambos os dous inclusive.

Prazo de presentación

O prazo estivo aberto dende o 12/07/2023 ata o 11/08/2023

Monto da axuda

O monto da axuda vai dende 1.700 euros ata 3.700 euros.

Presentación de solicitudes

As solicitudes serán presentadas obrigatoriamente por medios electrónicos.

Resumen

Código:

SI440A

DE:

12/07/2023

11/08/2023

Dirigido a:

Persoas físicas acollidas á medida de redución de xornada entre o 1 de agosto de 2022 e o 31 de xullo de 2023 ambos os dous inclusive.,A redución de xornada será para o coidado dun fillo ou filla.,O menor deberá ser menor de 3 anos ou menor de 12 anos no suposto de que padeza unha discapacidade recoñecida de porcentaxe igual ou superior ao 33%.

Requisitos:

Estar empadroadas en calquera concello da Comunidade Autónoma galega.,Convivir coa filla ou o fillo durante o período subvencionable.,Os ingresos da unidade familiar non poderán ser superiores a 7 veces o indicador público de renda de efectos múltiples (IPREM) para o ano 2023.,Non encontrarse en ningunha das circunstancias e prohibicións establecidas nos números 2 e 3 do artigo 10 da Lei 9/2007 do 13 de xuño de subvencións de Galicia. A acreditación de non estar incursa en ningunha delas realizarase mediante declaración responsable da persoa interesada.,En ningún caso poderán ser beneficiarias desta axuda as persoas proxenitoras privadas da patria potestade das súas fillas ou fillos ou se a súa tutela ou garda foi asumida por unha institución pública.