Moito que facer: coidados compartidos – Noia (A Coruña)

Cantas cousas hai que facer cada día para sacar adiante unha familia?

Organizar horarios, acompañar, conciliar, facer a compra, preparar comidas, atender imprevistos, escoitar, coidar… A lista parece non rematar nunca.

Agora imaxina ter que asumilo sempre todo sen apoio.

Nas familias monoparentais, unha única persoa adulta asume a responsabilidade cotiá da crianza, do fogar e da conciliación. Por iso queremos falar de corresponsabilidade, pero tamén mirar máis alá do propio fogar.

Que podemos facer como sociedade para apoiar ás familias monoparentais na crianza?

Falaremos de desigualdade, conciliación e corresponsabilidade e de como construír redes de apoio que contribúan a ofrecer facilidades a quen coida, desde a comunidade.

Ademais, poderás coñecer o Plan de Voluntariado de FAGAMOS e descubrir formas de implicarte, se queres dar un paso máis.

Achégate a “Moito que facer: coidados compartidos”

Venres 25 de setembro

Edificio Casino. Rúa Galicia, nº8. Noia (A Coruña)

17 a 19 h – Punto de asesoramento e información (planta baixa)

19 h – Charla informativa e faladoiro (2º andar)

Acceso libre

Moito que facer: coidados compartidos é unha actuación que forma parte de  “Currunchiños de Conciliación”, programa de FAGAMOS que en 2026 recibiu o recoñecemento Medrando Xuntas na categoría de Maior Impacto Social e que está financiado  pola Consellería de Política Social e Igualdade e polo Ministerio de Igualdad no marco do Plan Corresponsables.