Os Bolechas falan das familias

You are here: Home / Os Bolechas falan das familias

Os Bolechas falan das familias é unha iniciativa destinada aos nenos e nenas en idade escolar e ás súas familias, que pretende reforzar o concepto de diversidade familiar a partir do enfoque nas familias monoparentais, contribuíndo a normalizar a percepción destas familias coma un modelo máis dentro dos tipos de familias que existen e da importancia do valor da corresponsabilidade dentro da familia como no resto da sociedade.

De forma lúdica e didáctica, os nenos e nenas poderán aprender sobre a aceptación e importancia da diversidade familiar, comparar as familias humanas e animais, comprender as principais ocupacións e dificultades dos nais e pais e interiorizar a necesidade de colaborar nas tarefas da casa.

Esta actuación desenvólvese dentro do proxecto Facemos Corresponsabilidade 2023 no marco do Plan Corresponsables, co financiamento do Ministerio de Igualdade a través da Secretaría Xeral de Igualdade da Xunta de Galicia.

Durante o mes de novembro achegarémonos a colexios de distintas localidades galegas, nos que os pais, nais, nenos e nenas poderán disfrutar de:

1. teatriño cun Bolecha monicreque 

2. audiovisual de Os Bolechas falan das familias 

3. obradoiro de xogo de preguntas e desafíos 

4. coñecer a web interactiva de Os Bolechas falan das familias 

5. agasallo de materiais didácticos a todos os nenos e nenas asistentes 

A entrada é de balde e non é imprescindible ser alumno/a do colexio onde se celebran para poder asistir. Os nenos e nenas poden ir acompañados dunha persoa adulta.

A actividade está dirixida a nenos e nenas de 3 a 9 anos e está aberta a todas as familias. No caso de que as solicitudes superen o aforo dispoñible, terán acceso preferente as familias monoparentais, familias con mulleres vítimas de violencia de xénero e outras formas de violencia contra a muller, mulleres en situación de risco de longa duración, mulleres maiores de 45 anos ou unidades familiares nas que existan outras cargas relacionadas cos coidados.

Cumprimenta o formulario de inscrición para que poidades desfrutar destas actividades.

ESPECTÁCULOS NA ESCOLA

Click here to change this text