Fedellando coas STEAM – Vigo

FAGAMOS organiza en Vigo Obradoiros gratuitos de temática científico-tecnolóxica, para nenas e nenos de entre 4 e 16 anos, sobre temática S.T.E.A.M. (ciencias, tecnoloxía, enxenaría, arte e matemáticas).

Dirixidos prioritariamente ás familias monoparentais, e familias encabezadas por vítimas de violencia de xénero e o outras formas de violencia contra a muller, mulleres en situación de risco de desemprego de longa duración, mulleres maiores de 45 anos, ou unidades familiares nas que existan outras cargas relacionads cos coidados. AS FAMILIAS MONOPARENTAIS ASOCIADAS A FAGAMOS TEMOS ACCESO PREFERENTE.

Traballaranse disciplinas como a robótica educativa, a programación, o deseño en 2D e 3D, a impresión 3D, a electrónica, a realidade virtual, drones, etc.

Estes talleres despertarán e fomentarán a creatividade dos rapaces e rapazas de forma lúdica, e contribúen a reducir a fenda dixital, a desenvolver o pensamento crítico, á resolución de problemas de forma creativa, e a promover a autonomía no desenvolvemento de proxectos e ideas.

Nas actividades empregaranse contidos encamiñados a fomentar nas nenas, nenos e adolescentes a sensibilización en materia de igualdade, corresponsabilidade e diversidade familiar.

PRAZO DE SOLICITUDE ABERTO!

Preme no botón para coñecer as datas e horas dos obradoiros, condicións de acceso e solicitar praza.

“Fedellando nas Steam” é unha actividade desenvolta na actuación “Currunchiños de Conciliación” do proxecto “Facemos Corresponsabilidade 2023” no marco do Plan Corresponsables, coa financiación do Ministerio de Igualdade e a través da Secretaría Xeral da Igualdade da Xunta de Galicia.